समांतर
दोन विचारांच्या युद्धात नसतंच कुणी चूक अन बरोबर
जो तो असतो घट्ट आपापल्या मतांशी खरोखर |
एक विचार जुना तर दुसरा असतो नवा
पहिला येतो अनुभवातून तर दुसर्याला बदल हवा |
एक स्पष्ट, नेमकं बोट ठेवणारा
तर दुसरा मवाळ, अलवार नात जपणारा |
एक करारी, काहीही किम्मत मोजणारा
तर दुसरा विचारी, तडजोडीची हिम्मत करणारा |
एक द्रष्टा, फार पुढचा विचार करणारा
तर दुसरा निर्धास्त, बेधडक, आला दिवस जगणारा ।
यातून एक निवडण्यावाचून नसलं जरी गत्यंतर
हे दोन्ही विचार अथांग अन त्यांचा प्रवास समांतर ।।
- विशाल आपटे २२ डिसेंबर २०१५
No comments:
Post a Comment