घर
भीती इथे कुणाला कुणाची
भीती इथे कुणाला कुणाची
'कोरोना' हुन तर भयानक स्वतः आपण ।
नुसत्या वल्गना काय कामाच्या
स्वतः कधी बदलणार आपण ।
बंद दारे उघड्या खिडक्या
मनाची दारे कधी उघडणार आपण ।
घरी बसायची इथे सक्ती करावी लागते
'कोरोना' च्या कुबड्या कधी फेकणार आपण ।
एकमेकांपासून लांब लांब राहून
मनाने कधी जवळ येणार आपण ।
स्वतःच्याच घरात कैद झाले वाटते
घराला घरपण कधी देणार आपण ।
चूक झाल्याचे दुःख नाही
कुणी केली न कळण्याने दुःखी आपण ।
वेळ कधीच थांबत नाही
वेळेत थांबलो तरच जिंकलो आपण ।।
- विशाल आपटे